【邱閒食譜】鹹蛋肉餅煲仔飯

鹹蛋肉餅煲仔飯

材料（二人份）：

梅頭肉餅        半斤(約300g)


鹹蛋黃     1隻

米     1.5杯(米量杯）

水     1.5杯(米量杯）

肉餅調味料：

生抽(豉油）        2茶匙

雞粉       1/2 茶匙

酒         1茶匙

生粉         1/2茶匙

水        1 茶匙

糖        1/4茶匙

胡椒        少許

麥皮        1 湯匙

鹹蛋黃    1隻

煲仔飯豉油調味：

生抽   1 湯匙

老抽   1 湯匙    

砂糖   2 茶匙

味醂   2 湯匙 （也可用2 茶匙砂糖來代替）

製法：

1） 肉餅混和所有調味，以筷子順一個方攪勻（約十多次），肉餅再放入三層即棄保鮮袋，向檯面“撻”幾十次，約5分鐘—> 因為放工後煮飯時間有限，所以我係買現盛的^^ 有時間可以試下跟以上食譜自己整~

2） 鍋子加入水和米，中火加蓋煮1-2分鐘至水沸騰，以筷子攪勻

3）加蓋再煮2分鐘至鍋邊有蒸汽冒出 ，轉小火煮5分鐘至飯半熟，飯面有點濕（不是水汪汪）

4） 開蓋，肉餅和鹹魚鋪在飯面上，加蓋，將火稍為加大30秒，令煲肉熱力增加，轉小火煮10分鐘

5）熄火，讓飯焗8分鐘，如想弄飯焦，再開小火飯5分鐘

6）煲仔飯豉油調味倒入小鍋煮滾或以微波爐中火加熱20秒

P.S.

-用蒸魚豉油代替煲仔飯豉油也可

-如有時間，可浸米半小時才煮，讓米粒吸水，會比較香軟

【邱閒食譜】蒜蓉大蝦煲仔飯

蒜蓉大蝦煲仔飯 (參考鬼嫁食譜)

材料（2人份）：

中蝦 8 隻 （或大蝦     5隻）

蔥花     少許 （伴碟）

米      1.5杯(米量杯)

水     1.5杯(米量杯)

調味：

蒜蓉     1湯匙

鹽     ½ 茶匙

酒      1 茶匙

胡椒粉     ¼ 茶匙

油     少許

指天椒     少許(可以不放)

煲仔飯豉油調味：

豉油   3 湯匙

砂糖   2 茶匙

味淋   2 湯匙 （也可用2 茶匙砂糖來代替）

製法：

1） 洗淨蝦，從頭部以下的背部位置下刀，向尾部切去，剛好切在蝦腸上

2） 以牙籤挑出蝦腸，洗淨，混和所有調味，醃5分鐘備用（可先煲飯才準備蝦）

3） 米洗淨放入 LC 鍋，加入水，放置30分鐘，沒時間也可直接煮 ---> 我係直接煮完先話落26cm Buffet度(直接跳到6)

4）中火加蓋煮1-2分鐘至米水沸騰，開蓋以筷子攪勻 (skip)

5）加蓋再煮2分鐘至鍋邊有蒸汽冒出 ，轉小火煮8分鐘 (skip)

6）開蓋，大蝦鋪面，加蓋，將火稍為加大30秒,令煲肉熱力增加，轉小火煮5分鐘，如想弄飯焦，可延長煮飯的時間

7）熄火，讓飯焗10分鐘

8）煲仔飯豉油調味倒入小鍋煮滾或以微波爐中火加熱2分鐘

P.S. 我用在蒸魚豉油代替煲仔飯豉油^^

鬼嫁食譜
http://oniyomeryori.blogspot.hk/2012/12/blog-post_27.html

【邱閒食譜】無水蒸黃花魚

原來係沖繩買左26cm Buffet後，佢既曝光率都比較高。

今次就用佢黎蒸黃花魚。

因為放工返到屋企都七點幾，係Taste買埋送返到屋企都八點。

見到Taste原來咁夜都仲有魚買，實在太好啦~!!

買左條黃花魚 (超市好好，已經抽走晒D內臟) ，我返到屋企只係洗洗條魚，放左D薑片、蔥條入條魚肚度，就可以蒸得啦~~~ 非常好。

今次我用 “九” 菜花放底(其實可以用蔥的莖部做底，易出水)

再加一勺水

中火-4分鐘、小火4分鐘、焗3分鐘

之後再放下熟油、豉油、蔥、薑，炒一炒，再倒落魚上~~食得!!!

***連老公都讚好~!! yeaH~~@

【SC婚後生活】感恩文

***心情不太好，還是想想感恩的是改變一下自己的想法/態度。

1)      感恩有一個錫我同事事為我著想的老公，好開心從自前至今後所有事也一齊分擔、一齊
分享。

2)      感恩識到一班Mrs，可以一齊交流煮野食的樂趣，仲齊齊變成敗婦。好多時煮野食都的係佢地度學返黎, 多謝各位無私的分享。

3)      感恩放工返到屋企，都有時間買送煮飯，連老公都讚好味。 (見老公放工又要OT咁辛苦，好想讓佢一放工返到屋企就有飯食^^)

4)      感恩食完飯後，老公都會主動話去洗碗，而我就可以hea下/沖涼。
(其實家中大部份家務都係佢做，我間中都會幫手摺衫>0< à好似愛的宣言所講的一樣，多謝你寵我)

5)      感恩慢慢習慣了新婚後的生活，(貶下眼，原來已經結左婚5個月喇!!!!)
        現在都叫做一切穩定，希望快D有新嘗試，可以讓我試下其他野。

6)      感恩有意外之財 ^^ 嘻~!!要諗下如何明智地善用佢~~~
(好想買紫色花花碟慶祝一下，好唔好呢？ ^^)

7)      感恩婆婆的身體狀況慢慢變得穩定，可以讓家人稍稍放心。

8)      感謝主，讓我遇上以上美好的一切。要繼續保持正面的心態!!!!!!!!!!!!!!!!!!!!!!

9)      正能量要出來了，就好像今天的太陽一樣，總會好天的。

10)   Sometimes God doesn’t give you what you want, not because you don’t deserved it, just because you deserved more!!! 

失落。。。

失落感自從琴日開始就揮之不去。

究竟搞咩?~!

我係度做緊咩~?!

呢種不安的感覺好困擾啊~!!!!

幾時可以見到曙光啊?

之後係會點呢？

好煩惱。

第一次去見識LC Private Sale

3/ 10 星期六第一次去見識LC private sale

真是十分瘋狂，我被那場面嚇親!!!

Ball room中間條巷好窄，只夠兩排人行過，但因為所有Stonewares/ Hot Items都在中間那條巷，所以一開到十五分鐘，所有人都擁埋去，場面好混亂，我也差點兒跌低。好驚險！

知道今次係有紫色、藍色為主。

所以我也一早六點五十分到達酒店，拿到138-139飛(五點九出門口，六點零二分搭頭班車，有夠誇吧!!)

【邱閒食譜】西班牙海鮮意大利飯

<Seafood Paella>

***自從係沖繩買左26cm buffet 回來後，就成日都想用黎煮西班牙海鮮意大利飯

材料：(約4人份量)

意大利米……….....…..約1杯  (我在759買左2包Risotto)

雞湯……………..…約900ml

三色椒(切粒)…….....各半個

洋蔥(切粒)…………..….1個

蒜蓉…………………..1湯匙

蝦……………......約8隻

熟藍貝………………..約8隻

魷魚(中)….………..….2條

番紅花(Saffron)..…..…..少許 (無買到)

無鹽牛油……………..約10g

黃薑粉(Turmeric)….約1茶匙

紅椒粉(Paprika).…約1/4茶匙

香葉(Bay Leaves)….……2塊

白酒……………….……少許

海鹽……………….……適量

即磨黑椒…………….…適量

檸檬 (切件)…………….半個  (無買到)

新鮮番茜碎……………..適量  (無買到)

1)      三色椒洗淨去芯切小粒待用

2)      取出魷魚內裡的透明軟骨，用手撕開外層薄膜，再用手抓住頭部，抽出身體，然後切走魷魚眼部，最後清洗乾淨。

3)      把魷魚橫切成圈

4)      蝦隔殼取出蝦腸、剪掉頭部的尖位及長觸鬚、熟藍貝洗淨後與蜆待用

5)      洋蔥去皮切小粒

6)      魷魚圈及帶子輕輕煎一煎

7)      預備另一個寬底的平底鍋子 (buffet最好用啦~)，下油，小火，放入洋蔥粒及蒜蓉炒香

8)  轉中火，放入三色椒粒炒勻

9)  倒入約300ml的雞湯

10)  下紅椒粉及黃薑粉

11)  灑入少許的番紅花

12)  加入香葉，把湯煮滾拌勻轉中小火

13)  下一杯意大利米。

米不用洗，洗了會黏在一起，影響口感。

14)  拌勻湯與米

15)  待米吸水後，倒入另外的300ml雞湯拌勻

16)  加入少量的白酒調味，保持攪動

17)  轉小火，加蓋燉煮約20-25分鐘直至米熟透。意大利米很吸水，期間需間中分三次下每次約100ml的雞湯拌勻，不要一次過下太多的雞湯啊！待米慢慢吸收後，才逐少倒入雞湯

18)  待米將熟透(可試味看看米的軟硬度，再適當增加時間)，在飯面先鋪上大海蝦，然後隨意放入其它海鮮包括熟藍貝、魷魚圈

19)  加蓋中小火煮約5分鐘直至蝦轉紅色

20)  最後放上檸檬件及新鮮番茜碎作裝飾即成

西班牙海鮮飯登場~~~