一連三天的勞動節假期 (之三)

2/5最後一天假期

今日過得好充實！

一早食完野，就去沙田。

今天的節目係踩單車 沙田->科學園->大埔海濱公園->沙田

我地大約12:30租車，一點正式出發，到五點就回來還車。

腿不像是屬於我們的。

真的好酸痛。

回想起來，我應該自畢業都未踩過單車，嗚…青春丫。

踩單車前仍不忘自拍一番。

Check point ONE-科學園

Check point TWO-大埔海濱公園的盡頭

Check point THREE-吐露港

踩到超級累。趕快醫肚。

之後去左一田超市掃貨。

三日假期完畢。

一連三天的勞動節假期 (之二)

1/5星期日

一早要回教堂分別作司事及侍從。

崇拜後，就同屋企人去附近飲茶。

hea下，hea下又一日。

去太子行左一個圈，買左memo紙做tag就回家。

好似成日都唔夠訓咁添。

返到屋企都訓左一陣，之後煮左個簡單晚餐就出發去沙灘漫步。

今晚我地選左去長沙下村沙灘。

原來係東涌總站搭 11號巴士，大約20分鐘就到。

真係好快。

師傅好好人，同我地講落左車後沿住左手邊的小路落去就係。

話咁快就到左啦，已經聽到一陣陣的海浪聲。

沙灘上有一、兩個營，附近又有餐廳，都好方便。

其實我地係想 “傳說中的藍眼淚” ，可惜最後都無。

唔通真係要去馬太先睇到？

四月中做見到有人係fb share話睇到。

不過可能真係可遇不可求。

我地散一散步就搭返車出東涌。

前後不用1.5小時，車資來回大概~$30 (去程$19.XX，回程$11.XX)

下次我地再黎呢度晒下太陽、游下水、飲下野。

因為車程只需要20分鐘，都真係幾方便！

一連三天的勞動節假期(之一)

一連三天的勞動節假期

1.      30/4 (星期六)
約了MSW之Buddy去Lemongrass學絲花花球。

其實之前也想過學插花。

自從14年去左加拿大，去左姨姨家，就發覺在家種植的好處。

在洗手間放一束花，份外清新。

跟住接觸過婚禮的絲花同鮮花球，就更加想自己學/整花球。

想不到一年後就上左呢一個花球班。還好有人陪我上。

因為實在不便宜。

其實如果有機會，我都想學插花班^^

可以插一盤鮮花在家中，一定會很靚，感覺很棒。

過程：

‧兩小時的D.I.Y. 花球班

‧Michelle會在之前問定要咩顏名的Theme同花材，然後會一早預備好。

‧一入到課室就會見到寫住自己名的花材

襟花：

‧首先揀左主花

‧然後再揀襯花

‧度好位後，就連襟花叉一同用膠紙黏好

‧有需要可以用熱溶槍固定花材

‧最後修剪腳跟

‧以及用麻繩包住襟花，完成！

絲花花球：

‧首先將花材除葉(葉子待用)，剪開成一枝枝，將花材一枝枝散開放好，方便陣間選取

‧然後選一支主花放在中心，如果花材不夠長，可以駁長莖部

‧其餘選其他花朵圍住在主花側邊(對角線插入)

‧手握得不要太緊，預留一點空間

‧再加襯葉，或者一枝枝滿天星

‧大花/主花低，小花/襯葉可以高一點

‧每整一邊可以照下鏡，睇下花球夠唔夠圓

‧然後用膠紙黏實莖部

‧大概完成後，就要駁長枝莖，令其可以站立

‧最後在花束底部加上葉子用綠色的膠紙黏住。

‧再用綠色膠黏住莖部(遮羞) ，並用麻繩綁住(美化)

‧如有熱溶膠的絲，可以用打火機小心翼翼去壇一壇。

           ‧完成。