呢一百日好似眨下眼就過左，結婚就好像琴日先發生，然後honeymoon，好似發了一場夢一樣。回到香港後接著就係適應新居的生活，與細佬sss同99 的相處，返工、放工的車程，加上呢個星期搬office...每每適應完一樣，就有另一樣的變化要重新適應。
例如
1. 初頭會同老公一齊出門口，返到office 會早左45分鐘，之後決定就八點半先出門，搭八點九的地鐵。然後當自己適應完後，公司就話要我地搬office 到AIA 😭😭😭 又要再適應過，今次又試同老公一齊出門口，返到office都早左半小時😅😅
所以我決定下次遲三個字出門口，睇下大概差多少。 (唉，還在適應中...)
P.S. 我覺得樓下等lift有點兒麻煩。
2. Honeymoon 回來後，與細佬sss的相處也很好，好易相處。間中都會回來食飯，我都會預備下三至四人的晚餐。雖然煮飯期間，待在廚房真的很熱，但都覺得煮飯俾屋企人食都唔錯，食完飯後，佢地會幫忙洗碗及收拾，呢個時候我就會''歎下''。而且我覺得一邊揾食譜，一邊煮都幾好玩。
P.S. 發現原來我都識煮野食😅😅
慶幸自己認識了MC無私地分享食譜
3.當適應左與細佬sss一齊生活，然後99就從加國回來了。這樣又開始重新適應家中有99/長輩的生活。其實99也沒有什麼，但總覺得在家會無咁free😂😂😂還在慢慢學習與99的相處。
4. 係呢一百日，真的覺得我倆的關係比以前更親密了。親密除了在physically上，還在psychologically，因為結婚後就是二人成為一體了，所有野、決定也要與對方商量，在這方面，我還在學習中。
很感恩在生活上所有事，也會有對方的參與。
成親一百日快樂!! Love you 😘😘😘
No comments:
Post a Comment