試試新路線
話說好朋友邀請週末行山。
因為我們是懶洋洋的一對，於是就中午十二點出發
然後去馬鞍山集合
今次行山的路線是【馬鞍山】至【西貢】
好朋友search other bloggers說要行4小時，我地心想如果行快D，應該趕到太陽落山前去到西貢。
最終我地三點由馬鞍山出發，到達迴旋處。
見直路就上，一路上。
行左半小時就經過馬鞍山郊野公園。
記得之前企業植樹日都有黎過
然後沿住郊遊徑，不久就見到一個小山坡 (呢到令我聯想起TBB拍古裝戲那個茶寮的場景)
現在終。於。正。式。踏入行山徑啦!!!!
行大約半小時，就到一個三叉路口，同見到一個亭。
我地係度休息一會，就繼續行去【營地】的方向。
行多15分鐘，就見到呢個咁壯麗的景色~~~
旁邊係一大塊草地，因為今日係星期六，見到有一家大小係度扎營，認真寫意。
同時原來都有人黎呢度玩跳傘。勁!!
望住呢個景真係好正！有機會都要試下黎呢度露營~ ^0^ ~
你睇下幾咁歎！
之後我地就落山出發往西貢(大水井)啦。
途中仲見到有兩頭牛(唔知佢地係住係呢度。定上黎呢度散步呢？)
沿途落山其實都唔易，
好多碎沙石，或大石，我地一行人都行得好小心。
你睇下…
話咁快就落到山啦~~~ 呢條行山徑既終點係呢條村。
望下錶，我地5:45pm就落到西貢市中心啦。
用左兩小時多少少就由馬鞍山行到西貢。 (比參考時間快~~~ YEAH!)
做左一輪運動，梗係要食返餐豐富的！！
Cheers~~~
下次再行過***
No comments:
Post a Comment