【SC Wedding】: 印帖學問

原來印帖都大有學問~~~

1.長女?次女?幼男?小兒? (你在家中係排行第幾？)
喜帖內文裡，新人名字之上一般都會加上他們在家中的排行，家中的兒子和女兒是分開計算的。
長男：家中兒子排行最大 
次男：家中兒子排行第二
幼男：家中兒子排行最小
小兒：家中只有一位兒子 （家姐及細妹不計在內）

長女：家中女兒排行最大
次女：家中女兒排行第二
幼女：家中女兒排行最小
小女：家中只有一位女兒 （哥哥及細佬不計在內）

2. 承嚴慈命?
喜帖是以新人雙方父母的名義發出的，而他們也是受命於自己的父母(即新人的祖父母)而發出喜帖的。嚴父、慈母，「承嚴命」和「承慈命」就是指受命於父親和母親的意思。
承嚴命：祖父健在
承慈命：祖母健在
承嚴慈命：祖父母都健在

另外不得不留意：
1. 問酒店/酒樓拎多10張8張
如果好似我地咁, 用酒樓提供的帖, 記住問佢拎多10張8張
例如: 打算印200張, 就問酒店/酒樓拎210張
因為印帖公司會要求你地提供多幾張, 如果印錯左都仲有帖可以再印過~ 不過如果你係用返印帖公司的帖, 就唔洗理呢個問題啦~ 佢地自己會預的~
(其實我一共拎多左50張~因為我有另外一D用途，遲D再分享)

2. 要帶一張帖去印帖公司
因為每張帖都唔同形狀, 唔同尺寸, 佢地會根據張帖的尺寸的排版

3. 集齊帖所需的資料
1) 婚宴地址 - 留意地址、 邊個宴會廳?
2) 婚宴日期 - 農曆、西曆 及星期幾?
3) 恭候時間, 入席時間, 如果律師在場，就要預埋觀禮時間
(當決定恭候及入席時間時，都經過一輪的考慮，因為當日是星期日，唔想太晚開始，而我地係教堂行完禮後，又怕未咁快可以到達酒樓。)