510 婚禮扎記 (V)

倒數4個月

心情不免有一點緊張、興奮。

話說這一兩個月也去了不同的婚禮，有簡單的、有跟足程序的。

於是我又會想像自己到時的婚禮會是怎樣！

當然，Mr. C會選擇一切從簡、愈節單愈好。

而我當然常常有著” 一生人一次” 的想法。不過最終也會因著預算而再作處理。

有時都會覺得入左谷後，就會變左有好多新Item的出現，可能原本沒有安排，但又會想擁有、不如加埋la……

這個想法實在有太多太多。

唯一可以控制的，就係自己排下Priority、然後分清楚有咩係W.A.N.T.、有咩係N.E.E.D.，呢個真係要有好好的心理質素去處理。

哈哈，因為我地既wants實在太多了。

----------------------------------------------進入倒數4個月----------------------------------------

Backdrop：

我地今個月應該會K.O. Backdrop

好多在2014年問過的都已經加價了，wow…就係之前的懶散、遲遲未決定，於是就要用多左$$$，所以真係要盡快處理。

帖：

已經進入校稿階段~

希望農曆新年前可以完成，因為我還有後期工作要做啊。
囍字同蝴蝶印已經Ready~~!!

原來寫帖也非常講究。

之前都唔知 “承嚴命” 、”承慈命” 是甚麼~

現在先知原來係同男/女方的祖父祖母有關。

摘自網上：

首先，我們必須明白，一般來說，喜帖/結婚請帖是以新人雙方的父母的名義發出的，而他們(理論上)是受命於自己的父母(即新人的祖父母)而發出喜帖/結婚請帖的。 這裡就是關鍵所在，所謂嚴父慈母，  所喜帖內容、喜帖內文裡的「承嚴命」和「承慈命」就是指受命於父親和母親的意思。要留意的是，這裡所指的父親和母親是新人父母的父親和母親，亦即是新人的祖父母。所以簡單地說，喜帖內容、喜帖內文的承嚴命和承慈命的用法應該是這樣的：

承嚴命：祖父健在

承慈命：祖母健在

承嚴慈命：祖父母健在

教會婚姻輔導：

唔經唔覺我地係教會的婚姻輔導去到尾二個堂啦~~~

今堂係講財政管理。

牧師又問下我地係籌備婚禮的過程中，有沒有吵架？

我地對望左一下，都話有，因為有太多Wants~~~~

而有一點，我覺得牧師講得好好係 “享受當下”。

女仔睇Budget可能係每一個Item分開黎睇，

男仔可能好快就會計埋個大Total，然後就會好理性地Ban左，當然，他會提出好多理由。

如果女仔一開始會覺得 “BAN” = “不愛我” ，咁就會跌落陷阱。

牧師同我地之前都做左一個性格測試，分析指Mr. C較為理性，而我就較感性。加上佢會善於 “有條件地Compromise”。

所以牧師覺得我可以試下講出點解我想要呢樣/個樣，因為其實女仔同男仔講喜歡一樣點，多數都唔一定想 “非要不可” ，之不過係想 “分享” 而已！而且作為一個女友，最後其實都會衡量一下先至做決定。

當牧師講既時候，我就不斷點頭。

心想：係呀，其實我只是想分享一下，不一定要擁有！

而最重要係大家也 “享受當下”。

最後一堂就講禮儀。而婚禮前一星期就會邀請伴朗、伴娘、我爸爸一齊為婚禮當天作Rehearsal。(時間好似還得好快~)

Pre-wedding相：

Seoul同Local都要等到三月><” (等到頸都長…)

好想快D有埋相(soft copy)，咁我就可以整多一、兩本相簿。

婚禮証書套：

之前一直都諗緊自己DIY好、定買現成。

但如果現成的款，對我來說又out budget，

但WOW呢個平台好好，讓我搵到現成款，遲D等我再DIY埋封面再分享^^

紅裙子：

見到Zalora做減價，忍唔住又買左2條紅色既裙

哈哈，可以係Big Day食Lunch時著(其實都唔知有無時間食>0<’)

不過唔緊要，或者到時返大陸擺幾圍時著都OK (紅色超級喜慶)!~ $179 (再有78折)

1 Corinthians 13:13

And now these three remain: faith, hope and love. But the greatest of these is love.