相隔十載的中學同學聚會

昨晚一行20人的中學同學聚會晚宴，

有一半係中五畢業他就沒有見過了(應該以男生為主) ，女仔反而這幾年間同學的婚宴都會見到。

計一計，我04年中五畢業，現在2015年！

嘩~!!! 係足足10年後~~~真的完全感受到10年光陰如箭。。。

但話時話，樣子真係Keep到，無乜大改變，還是當年那個青春無限的樣子^^

我都仲好記得大家的聲線^^

講返大家都入左不同的行業。

有IT界、政府、商界、社福界，不過教育界應該最多。大多係英文老師~！~~!!

今次搞手A仔同C仔都好勁，一個whatsapp組群已經可以Add到大部分的同學仔。除fb 可以知道同學仔D近況，而whatsapp係即時的聯繫，號召力好強大。

不過由於人多，所以分開兩圍台，交流不太多。

下次都係提議去BBQ，咁樣想點傾計都得。

^^

講開成家立室，都有10個已經結左婚/將會結婚。

【SC婚後生活】充實的星期六

充實的星期六

完左大坑，我地就去IKEA行下。

一直老公都想將屋企張餐台加轆，所以可以方便推來推去，不會下下要搬來搬去。

所以係IKEA買左電鑽同轆。

然後我地從係FrancFranc買左紫色花花餐具^^

再到Logon買左香熏~~~

最後行埋皇室堡的Habitat (不過齋睇，無買到野)

因為D野都幾重，所以我地兩點幾就返屋企。

順便到超市買完送就返屋企~

返到屋企，老公開動，佢第一次用電鑽整野，好Man 啊~!! ^^

輕易就搞掂張餐台。

然後，佢就話不如掛埋我地幅畫，我話梗係好啦!~~!!

不過原來都幾大工程，度位、拉尺、mark位、鑽牆、入膠粒、再鑽縲絲。

整到出晒汗。

不過完成後，望住幅油畫，真係覺得辛苦都值得~~

我仲加左燈飾效果，更加正!!!!

一入到房，散發住香味(花香) 同埋柔和的燈光，好Relax~

今日仲買埋風扇，房間暫時一切也不缺^0^ so Jeng!

仲有新電話用

【邱閒食譜】栗子冬菇炆雞翼

材料：(2-4人份量)

雞翼……………………..約12隻

冬菇(中)……………..….約10個

去殼栗子……………...…….1包

紅蔥頭……………....……約4粒

薑片………………...…..約6-8片

蒜蓉…………………..…..1湯匙

蔥花(裝飾)…………..…….適量

雞翼醃料：

紹酒………………………3湯匙

雞粉………………..………適量

醬汁：

蠔油………………………2湯匙

老抽………………………2湯匙

冰糖…………………..……1粒

水…………….…...約300-400ml

做法：

1)      雞翼解凍洗淨抹乾水

2)      用食物袋盛著雞翼，放入「雞翼醃料」的所有材料，用手隔著食物袋將雞翼與醃料搓勻

3)      去殼去衣栗子（超市也有售）

4)      水滾後，放入栗子，煲約5-8分鐘，熄火焗約5分鐘，盛起隔水待用

5)      紅蔥頭及薑去皮，切片待用

6)      冬菇浸水泡發至軟身，瀝乾水，去頂切塊待用

7)      預備另一個鍋子 ，下油，油起煙，首先爆香薑片及紅蔥頭，再加入蒜蓉炒香

8)      放入已醃好的雞翼，煎至金黃色 (煎後反一反轉，重覆數次，略為炒勻，煎至約7-8成熟)

9)      倒入冬菇炒勻

10)  加入「醬汁」中的蠔油、老抽，及後倒入熱水與冰糖拌勻。(記得先試味)

11)  加入栗子拌勻

12)  醬汁滾起後，中火加蓋煮約8-10分鐘煮至醬汁收乾即成。

***因為怕栗子未淋，但雞翼太熟，於是會盛起備用，待栗子炆淋後放回雞翼，待滾起收汁。

掙扎過後，還是選擇去問了

今日一早就去左天后，

還好妹妹快過我，可以先去霸頭位。

之後去左大坑炳記茶餐廳食早餐(一間充滿港式味道的茶記)。

叫左碗餐蛋麵 (配出前一丁) ，盛惠$28。

食完豐富的早餐，就回去坐定定等10:30am開始。

因為轉工一事都感到煩惱

已經In了多份，但卻沒有回音，其中只有1次可以Sec. in

所以一直也很迷芒，

自己的方向一直也得困惑。

輾轉反側，一直都很被動

所以急不及待要來這裡，睇下會否有提示。

知道自己一直也想問的是事業。

所以就以此為首，問問我的路將會是怎樣。

解者是一位中年的男士，語氣也以生動為主，覺得不是傳統的人

而我的八字，他也有為我解說。

他說理應2014後便有10年運，因為今年係會與生肖本年相”衝” ，故2015年工作是麻麻，相反2016年會轉好。

這令我期待2016快D來臨。

期待讓我的工作有新的轉機

關於我的命格有利的事業無疑是同土、木有關的，創意有關的。

實際係邊D工作，佢又無好詳細說明。

當然，除左事業，我都想問可唔可以創業/做生意等。

解者話我的命格也有收入不定之命(是可以做生意之命) ，會較頻扑/辛苦的。

除些以外，最令我關心的是何時有自己的二人居所？

解者話我的命格入面都有業，至於幾時？

佢就話2016-2018年間。

(睇黎好多人也預言樓價會係未來幾年下跌)--> 所以還是儲下錢先

繼而又問下幾時會生BB

解者話生狗BB對我最好，最利我。

但狗BB係2019年，我怕太遲生。

然後解者話2017都OK，咁真係要同老公商量一下。

最主要的都問完。

現在要積極備戰，做好準備！！！

Resume還是要send，當每一個interview為學習機會。






***發覺好多時，interviewee最尾問interviewer的問題，
      大多是呢個{Post｝想請一個怎樣的/什麼人，是怎樣/如何有效地協助機構運作。

      對上兩次Group In 都比到好多insight我~!!  加油！
      相信綜合咁多次的面試，我相信我可以的！！！

【SC Wedding】收到相啦😍😍😍

等左五個月，終於收到相啦😁😁😁

究竟要到幾時...

究竟要到幾時...

【邱閒食譜】涼瓜炒蛋

涼瓜炒蛋

材料:

苦瓜（涼瓜）1條 約160克

雞蛋 3隻

蝦米 1湯匙（隨意，可以不加）

薑蓉 1/2茶匙

調味料：

鹽 1/4茶匙

糖 2/3茶匙

生抽 1/2茶匙

麻油 少許

胡椒粉 少許

做法：

1. 苦瓜洗凈去籽，切薄片。用少許鹽略醃至軟身。放入滾水（開水）中拖水，撈起，待不太熱的時候，榨乾水份，備用。

2. 雞蛋打散後，加入調味料拌勻成蛋汁，待用。

3. 燒熱油約3湯匙，爆香薑蓉及蝦米（如果加的話），加入苦瓜片炒透，澆酒，倒入蛋汁，以中火把材料煎至兩面呈金黃色及熟。上碟，趁熱供食。

更多内容 http://www.christinesrecipes.com/2008/09/fried-bitter-melon-with-eggs.html#ixzz3oN23W3yd