510婚禮扎記 VIII
1/4 Concept
Video shooting day
天文台預計1/4係大部份時間有陽光
可惜事與願違，係大部份時間多雲
原本相約了7:30a.m. 最後都要改遲1.5小時出發，最後係9:25a.m. 上車出發
首先去了石澳沙灘，可能太早同天氣的關係，沙灘人很少。
這裡是拍片的開始。
無庸置疑，我係唔習慣同做得非常生硬的
C先生明顯有點兒情緒、有D Cool，可能病了，可能嬲左我。
之後我地係海邊玩下水、畫下沙、漫步一下。
跟住我地就畫一個好大好大的心心。
這個心心是合我地二人之力而畫出來。
我地都覺得很滿意。
沙灘完左，我地就換衫去石灘
石灘範圍不大，我地都係坐下，不過勁多蚊，勁比蚊咬><
原來藍色橋都係度。
同時間，我地見到有4 pairs 係度影，果然係受歡迎的拍攝婚照地點。
差不多兩點，我地就返石澳沙灘食泰國菜。
見到有沙灘有少少太陽，但望上山頂，都係有一層霧包住。
睇下食完飯後，會唔會出太陽。
提外話，呢一間泰國餐廳的食物還真不錯，可以推介。
最後的行程- -> 龍脊
話說一開頭我覺得影concept video係會由大家共同的興趣為主。
所以我想加插行山呢個活動。
而且同婚姻都好貼切，大家都係充滿挑戰性的。
我地由土地灣出發(預計要行1小時)，可是因為太大霧的關係，我地最終無去到龍脊，亦都睇唔到石澳的景。
不過行這一躺山都幾有feel…. 因為有霧，更顯得有挑戰。婚姻也是一樣，有很多未知之數，只要沿途有你係身邊，互相扶持，處處也是風景。
我地五點半就落返山，然後去南灣錄音。
哈！發現我都係不太曉得錄音，說話太flat，無乜高低起伏。
我地用左差不多半小時才完成3分鐘的Script。
今天真的累了。
多謝你好不容易及充滿爭扎下陪我拍Concept Story。
謝謝你，我知道你是因為愛我，所以滿足我的要求。
而我又很想多製造我倆的回憶，好讓日後可以欣賞。
所以攝影對我來說，我覺得是重要的。
可是，原來這一切，會為你帶來壓力，對不起啊！
婚後，我們做的每一個決定也經大家商討後才出結論，這樣可以避免不開心事件發生。又或者變成一廂情願。
愛你。
倒數一個月零九日
No comments:
Post a Comment